யாழ்பாடினி

     The king tide washes            the pieces of my old life.      There remains my skeleton           free of attachments.      My soul is ready to sail           somewhere rather quiet.      Home is a mindset           I already had figured.

  ஊரிக்காட்டின் கடலோரம் ஒதுங்கிக் கிடந்தன அவர்களின் இலட்சியக் கனவுகள் வீடிழந்தோர் வாழ்விழந்தோர் சொந்த நிலமிழந்தோர் கடல் கடந்தோர் உயிரிழந்தோர் உடலுறுப்பிழந்தோர் வாழ்வோர் வாழ்ந்துகொண்டு சாவோர் ஊரிக்காட்டின் கடலோரம் ஒதுங்கிக் கிடந்தன அவர்களின் இலட்சியக் கனவுகள் சற்றுத்தூரத்தில் ஒரு வீடு இடிக்கப்பட்டு அது இருந்த தடயம் அழிக்கப்பட்டுக் கிடந்தது கூடவே அங்கு வாழ்ந்த மனிதரின் கனவும் கனத்த மனதோடு குனிந்து பார்க்கிறேன் கிளிஞ்சல்களுக்குள் சுதந்திரக் கனவு அரித்துப்போய் ஓட்டைகளோடு அநாதரவாய்க் கிடக்கிறது சுற்றுலாப் பயணிபோல் கடந்து போக முடியாமல் தடக்கி நிற்கிறேன்.

                              கதை கதையாம் கத்தரிக்காய் ……………………………………….. மதியச் சாப்பாட்டிற்கும் இரவுச் சாப்பாட்டிற்கும் இடையான நேரம் எல்லோரும் வட்டமாய் கதிரை போட்டிருந்து கதைத்துக் கொண்டிருந்தார்கள் முன் வீட்டில் காஸ் முடிந்து விட்டதாம் மரக்கறி விலை சிறிது குறைந்துவிட்டதாம் கோவிட் தொற்று மீண்டும் அதிகரிக்கிறதாம் மாஸ்க்கெல்லாம் மூக்கின் கீழ் இறங்கிவிட்டதாம் வான்படைக்கு வைத்தியாசலை கட்டினமாம் புதுசாவொரு புத்தர் சிலை திறக்கினமாம் திங்கள்வரை மின்சாரம் வெட்டவில்லையாம் பாரதியோட கண்ணம்மா சேரவில்லையாம் பதின்மூன்றாம் திருத்தச்சட்டம் திருகுபடியாம் தமிழ்க்கட்சிகள் தங்களுக்க இழுபறியாம் அரசியல்வாதிகளை பொதுமக்கள் நம்பவில்லையாம் அப்பால் நின்று புதினம் மட்டும் பார்க்கினமாம் வானூர்தியில் வந்திறங்கிக் கொண்டாட்டமாம் வயலிலே விளைச்சலின்றித் திண்டாட்டமாம் புலம்பெயர்ந்தார் வாய்ப்பேச்சு தாங்கவில்லையாம் அவையின்ர நிதியுதவி போதவில்லையாம் தெருவிலறங்கிப் போராடுறவை திருந்தவில்லையாம் போராடித்தானிங்கொன்றும் சாதிக்கேலையாம் ‘நீதிக்கான அணுகல்’ நட...

  மரத்தில் இருந்து விழுந்த இலை காற்றோடு காற்றாய் இருப்பின்றி அலைவதுபோல் காலவோட்டம் இழுக்குந்திசையெல்லாம் பிடிப்பொன்றின்றி இழுபட்டுக்கொண்டு உயிர் என்னுடல் நீங்கி வெளியே உல்லாசமாய் திரிகின்றது                                    இருப்பும் பிடிப்பும் இருந்து                                    இருந்த இடத்தைப் பிடித்துக்கொண்டு                                    இருந்திருந்தால் உடலிந்நேரம்                                    வேரூன்றி விழுதுவிட்டு                                ...

ஒரே சூரியன் களங்கள் வேறு காட்சிகள் வேறு கதைகள் வேறு காணும் கண்கள் ஒன்றுதான்.

 

உக்கிரமாய் வெயில் உச்சி மண்டையால் இறங்கி தொண்டைக்குழியில் சொட்டு ஈரமில்லாமல் வறட்டிவிட பள்ளிவிட்டு வரும் வழியில் பசியும் தாகமும் ஒன்றாய்க் குடலைப் புரட்டி எடுக்க- வரமாய் செம்மமஞ்சள் நிறத்தில் ஜூஸ் வாங்கி வாயாலிறக்கி தொண்டைக்குழியை நனைத்து வயிறைக் குளிர்வித்து புளிப்புச் சுவையேறி நாக்குச் சப்புக்கொட்டி கடைசித்துளியையும் உறிஞ்சி எடுக்க வெள்ளைச்சீருடையில் வந்த நினைவும் எங்கேயாவது இருந்திட்டு அப்பா வாங்கிவரும் மிரண்டா சோடாவை அடித்துப் பிடித்து அமிர்தம்போல் நினைத்து ஒவ்வொரு மிடரையும் ஐயோ முடியப் போகுதே என்று மெதுவாய்க் குடித்து கடைசிச் சொட்டையும் பொறுமையாய் போத்தலைக் கவிழ்த்துப் பிடித்து வாயிலிட்டு நாவெல்லாம் செம்மஞ்சளாக்கி இரண்டு மிடர் உனக்குக் குறைவு என்று அப்பால் நிக்கும் சோதரனை கடுப்பாக்கி நாக்கு நீட்டிப் பழித்து அவனடிப்பதற்குள் ஓடியொளித்த நினைவும் சோடாப்போத்திலை திறக்கையில் முன்னறிவிப்பின்றி நுரையெல்லாம் படையெடுத்து வெளியே தள்ளுவதுபோல கடல்தாண்டிய தேசத்து கடற்கரையில் நிகழ்ந்த சூரிய அஸ்தமனக் காட்சி நினைவுச் சுரங்கத்தின் கதவைத் திறந்து நினைவுகளை அள்ளி வெளியில் கொட்டிவிட- கண்முன் பரவிக் கி...

  வேண்டும் என்று எந்தப் பிள்ளையும் பிறப்பதில்லை பிள்ளை எதற்கு வேண்டும் என்று பெறுவோரும் ஆய்ந்தறிவதில்லை பிள்ளைக்காக வாழ்வோ வாழ்வுக்காகப் பிள்ளையோ எதுவாகினும் இருந்து விட்டுப்போகட்டும் பிள்ளைகள் ஒரு கட்டாயக் கட்டம் பெறுவது கடமை பெற்றதை வளர்ப்பது கடமை வளர்ந்தது பெற்றோரைப் பார்ப்பதும் கடமை கடமைகள் கடக்கமுடியாதொரு சமூகம் பெறுவதும் வளர்ப்பதுமாய் கடந்துபோகட்டும் கடந்து போகாதவரும் கடமைகளைத் துறந்தவரும் சாபங்களிலிருந்து விடுதலையடையட்டும் கடமைகள் கயிறாகி இறுக்காமல் போகட்டும் வாழ்க்கை கட்டளைகளில்லாமல் நதியாகி ஓடட்டும் உறவுகள் நதிக்கிளைகள் ஆகட்டும் அவை கடல் தேடிப்போகட்டும் நதிமூலத்தை நோக்கி எந்த நதியும் ஓடுவதில்லை கடல் தேடும் நதியை நதிமூலம் சாடுவதுமில்லை

அவள் இருந்தாள் நீண்டு நெளிந்து பரந்து கிடந்த-நிலப்பரப்பை கடக்க வேண்டும் என்று முயற்சி செய்யாமல் அவள் இருந்தாள் அதன் பாதி தூரத்தையாவது கடக்க வேண்டும் என்று ஒரு நினைப்பே இல்லாமல் அவள் இருந்தாள் அகால அமைதியுடன் பயணத்தை பற்றியொரு பதட்டமுமே இல்லாமல் அவள் இருந்தாள் எல்லோரும் ஓடிக்கொண்டிருந்தார்கள் வியர்க்க வியர்க்க மூச்சுத்தள்ள அடித்துப் பிடித்து ஒருவரை ஒருவர் முந்திக்கொண்டு தள்ளிக்கொண்டும் எல்லோரும் ஓடிக்கொண்டிருந்தார்கள் அங்கங்கே சிலர் நடந்துகொண்டிருந்தார்கள் சாசுவாசமாக கையை வீசி வீசி பாடல்களை முணுமுணுத்துக்கொண்டு மண்ணைக் காலால் அளைந்துகொண்டு வாழ்க்கையை இரசித்து வாழ்வதாய் நினைத்துக்கொண்டு அங்கங்கே சிலர் நடந்துகொண்டிருந்தார்கள் சிலர் ஓடிக்களைத்து விழுந்து கிடந்தனர் மீண்டும் எழும்ப வலுவில்லாமல் தூக்கிவிட ஒரு மனிதரில்லாமல் நீண்டு தெரியும் பாதையை கையேலாததனத்துடன் பார்த்து பெருமூச்சு விட்டுக்கொண்டு சிலர் ஓடிக்களைத்து விழுந்து கிடந்தனர் அவள் இருந்தாள் இருந்து சாகாதே என்று சொல்பவரையும் எழுந்து ஓடு என்று முட்டித் தள்ளுபவரையும் வாழத் தெரியாதுனக்கென்று நகைப்பவரையும் சும்மா இருந்து என்ன பயன் என்று கே...

தாழமுக்கம் தருவிசை நின்று எழும்பி விழும்பு வழி திசைப்பயணம் செல் புயலிலவே பொழுதின்றி எத்திசையும் எறியும் மனக்காற்றிதற்கு தாழமுக்கம் தேவை இல்காண். வேரறுத்து வீடழித்து சேதாரம் காட்டாது எண்ணக் கோடறுத்து புதுப்பெயல் வாரிச்சொரிந்து வெள்ளமாய் உள்ளக் கூட்டினிலே தாறுமாறாய் ஓடிக்கிடக்கும் அது வெள்ளம் கிளை திறந்து அங்கங்கே பாயலாம் வேர் சாயலாம் ஓ பெருவிருட்சமாகலாம் நின்றுபோம் காற்றொரு நாள் வடிந்துபோம் வெள்ளம் சம்பவத்திற்கு வேர்தான் சாட்சி

பெண்கள் தினமாம் ஏதோ பொங்கல் தினம்போல காலையில் வாழ்த்துச் சொன்னார்

💧 💧 💧 குழாயைத் திறந்தேன் இம்முறை தண்ணீர் வந்தது

  Jeevika Vivekananthan (Melbourne), Annamalai Mahizhnan (Perth), Rajeevan (Sydney) & Rajinikanth Jeyaraman (Brisbane) discuss the issues faced by the First Nation people. Produced by RaySel. Link: https://www.sbs.com.au/language/english/audio/our-perception-of-first-nation-people

பெண்மையும் தாய்மையும் தெரிவுகள்தான் அடையாளங்களல்ல அளவுகோல்களுமல்ல

எழுந்துவிட்டோம் என்று நினைக்கும் போதெல்லாம் விழுத்திவிடுகிறது சுயஞானம்